車禍中其中一名死者黃秋玲（四十八歲），生前在沙田一間眼鏡店分租半邊舖從事美容工作，與任職電器銷售員的姓譚丈夫收入不穩。據死者大伯透露，弟弟早年碌卡套現創業失敗，欠下數十萬元債務，夫婦為省錢還債，多年來胼手胝足，至今年初才有餘錢出外吃飯及娛樂，以為苦盡甘來。弟婦當日陪朋友到深水埗看醫生後，她知丈夫一對值三十元的膠涼鞋爛掉，仍捨不得購買，遂步往旺角買鞋送予丈夫作神秘禮物，沒料飛來橫禍。

夫自責：無畀佢過好日子

「阿玲畀架車撞到頭扁晒、眼又凸，慘不忍睹！如果死者係司機屋企人，佢（指司機）有咩反應吖？」大伯昨憶述事發後認領遺體一幕，內心痛苦萬分，他透露弟弟仍無法接受喪妻事實，傷心欲絕，常自責嚷道：「結婚咁耐都冇畀佢（妻子）過好日子，依家做人仲有咩目標吖？」他又怒轟：「如果我細佬有咩事，個司機間接害多條人命，就算賠錢都冇用！」