睇怕天眼緝兇無望，因狂徒深明天眼有盲點。看來旺角行人區對上要裝「天幕」，讓行人安心路過！哼着「我是一隻小小小小鳥，想要飛呀飛，卻飛也飛不高……」是否覺得特別動聽兼有Feel呢？

真係唔同嘅年代有唔同嘅狂人！清末民初，多的是「頭顱墮地作雷鳴」的革命志士，像譚嗣同的豪邁磊落：「各國變法，無不從流血而成，今中國未聞有因變法而流血者，此國之所以不昌也。有之，請自嗣同始！」風雲相應，時勢相激，唔通當年的雲與清風未受污染，是以特別多志士仁人？

反觀現在，生活空間逼窄，人煙稠密，加上烏雲與懸浮粒子可以常擁有，是以只培育出電車男，還有些躲在城市暗角、反社會的鏹水彈狂徒！當然，狂徒一日未被警方繩之於法，我哋一日唔知佢為何要做出如此喪盡天良的惡行。大家都在估估吓，有謂每次掟鏹水彈均是警方大掃黃之後，是否有人要挑戰警方的能力……總之，有N個理由去猜忖狂徒的背後動機！

不可一，不可再！向鏹水彈說不！向高空擲物說不！遠離旺角！逃出西洋菜街，飛越奶路臣街，不要讓鏹水彈傷及市民！警隊一哥要洗脫「鏹水彈之都」，不要讓社會敗類背了世界走！

如此多陷阱，為何還要上演「壞人在台上唱戲，好人在家裏嘆氣」？走在旺角街頭，我們何時能展歡顏？