05/06/2009

播放本新聞相關短片

政情:錢果豐賣口乖氹婆婆

政府高層喺好多機構都掛名做核心成員,運輸及房屋局局長鄭汝樺(Eva)係港鐵董事局成員之一。不過,喺尋日港鐵股東會上,就有股東質疑董事局有四次會議,Eva都只係搵代表出席,根本唔重視呢份工!

除咗Eva中招外,港鐵高層舊年「加薪分紅」,行政總裁周松崗嘅薪津就比前年多四成,亦令小股東眼金金,年年捧場嘅小股東陳婆婆尋日就啄住周松崗唔放,尋日嘅股東會啱啱進入股東提問環節,陳婆婆已搶先讚長者兩蚊搭車優惠,跟住又勁讚錢果豐同周松崗兩個人做得好好,由香港做鐵路做到去北京同外國;讚完一輪後,佢辭鋒一轉,問佢兩個冧莊再冧莊,究竟要連任幾多次?好似質疑佢哋兩位霸住個位咁。之後主席錢果豐即刻幫周松崗擋駕,難怪佢哋被視為最佳拍檔。

周松崗選擇沉默是金,錢主席就好識氹老人家,仲開玩笑話因為周松崗想見多婆婆兩面,所以續任兩年喎。

直擊人類豬流感最新疫情
詳情瀏覽on.cc《奪命流感》