05/06/2009

播放本新聞相關短片

政情:李運強叫股民勿高追

本文重點
近排股市急升一輪,好多小股民又開始心動,紛紛跟風高追,更有富豪預測年尾個市會升上二萬點。「造紙大王」理文造紙主席李運強早前入馬場,問到佢對股市嘅睇法時,佢好穩陣咁話小股民入市要小心,千祈唔好高追。

復甦要等兩三年

李運強解釋,年尾恒指升到二萬點時,可能會急跌三千點都未定,所以低位買入嘅股民未必會蝕入肉,但高追就可能會有損失。海嘯前,理文造紙嘅股價一度高達三十幾蚊,呢排先由低位重上九蚊邊緣,李運強話已經好番好多,相信股價喺十八至二十個月後會升一倍,重上二十蚊水平。

不過,佢對未來嘅睇法都好審慎,估計本港經濟起碼仲要兩至三年先能夠復甦。

直擊人類豬流感最新疫情
詳情瀏覽on.cc《奪命流感》