孫太早前去咗金鐘太古廣場嘅名店行街掃貨，為朋友嘅外孫百日宴買份賀禮。講起佢嘅大計，佢話最近諗緊整番個網誌，教大家煮住家飯，同整番本孫家食譜，將佢嘅入廚心得公諸於世。佢又話好反對餐餐出街食，事關住家飯既經濟又健康，一家人樂也融融食餐晚飯，可以促進家人感情。

孫公早前專登請咗個印傭幫輕孫太，不過孫太都冇淡出，每日煮乜飯買乜餸，都係由佢親自操盤同落鑊，個印傭只係負責執頭執尾。