其中好耐冇同前黨友林健鋒同李大壯同行嘅田少，仲冇跟大隊坐飛機上京，唔知佢係有事提早北上，定係怕嗰幾個鐘航程會好難捱呢？

但林健鋒話總商會好多理事都喺內地有生意，次次訪京都有人分開飛，今次亦唔係得田少一個唔同機，相信冇乜嘢特別原因。佢又話無論之前改選發生乜事都好，依家都已事過境遷，相信大家會同心協力為商會同商界做嘢喎。