商務及經濟發展局前局長馬時亨太座王培琪，自○五年開始每年都舉辦香港區「全球祈禱日」，而今年就選定尋日舉行。
肥亨離開官場將近一年，但未有人走茶涼，馬太創辦嘅「全城更新」號召力依然強勁，尋日喺大球場舉行嘅「全球祈禱日」，吸引幾位高官撐場，包括有「人肉錄音機」之稱嘅政制及內地事務局局長林瑞麟夫婦、保安局局長李少光夫婦同環境局局長邱騰華，睇嚟幾位高官到場並非為市民祈禱，反而係為民望流血不止嘅政府祈禱，求神打救政府，變相打救自己。
受到金融海嘯打擊，肥亨話雖然經濟環境未至於如○三年沙士咁惡劣，但事實上好多人財富都有損失，佢作為商界同財經界一分子，都希望當前經濟困難得到解決，願神保佑香港。