汪阿姐透露早喺「四朵金花」嘅年代已經認識龐太，月初佢同家英哥喺美國拉斯維加斯拉埋天窗，龐太都好戥佢高興，仲送上一封大利是賀佢哋新婚，至於銀碼有幾大，佢就唔肯透露。不過，龐太係○八年打入《福布斯》香港四十大富豪榜嘅唯一女性，出手又點會低呀！
唔知係咪要襯番封大利是，汪阿姐都着到好似利是封咁，而佢手挽住嘅紅色名牌手袋，就係好友狄波拉同契女夾份送嘅結婚禮物嘞！
