金融海嘯殺到，好多生意人都嘆日子難捱，老牌「體操王子」李寧間上市企業卻好穩陣，日前佢出席一個論壇時都坦承，金融海嘯對佢間公司都有影響，但佢哋一早有應變策略，業務總算幸保不失。佢仲話，自己係一個矮人，可能矮人比較能夠抗壓喎。
李寧當日出席北京大學光華管理學院嘅EMBA（高級管理人員工商管理碩士）課程十周年紀念活動，佢係校友會會長，所以露面同大家講吓海嘯下嘅危與機，佢慨嘆喺金融海嘯中，活着就係勝利，自己並唔太擔心。
霍啟剛都有嚟聽講座，佢話自己都好想讀呢個課程，不過七個精英中都只係收一個，唔知自己有冇機會喎。