政情：總商會同富貴黨劃清界線？

包立賢喺文中承認總商會過往同富貴黨喺好多議題上都理念一致，經常有合作同關係較密切，但亦有會員認為總商會唔應該偏埋某個黨派，應該同四方八面嘅政團都廣泛接觸，所以總商會今後將透過喺立法會嘅代表游說各黨派支持總商會嘅工作同建議。佢嘅講法明顯係代表總商會力撐已退出富貴黨嘅「3L」成員林健鋒，擺明要同富貴黨劃清界線，但睇過呢封信嘅理事就話，呢份只係初稿，唔知最後有冇改動，未到真正出街都話唔埋喎！