一向以才俊look示人嘅立法會議員陳克勤，尋日喺立法會大派新卡片，佢個嘜頭仲大過「陳克勤」三個字，好明顯sell樣啦，十足補習天王咁，認真攞命！佢否認咁做係想吸引更多女粉絲，話以前啲卡片只寫名冇相，依家做咗直選議員，等多啲人識佢喎!
跟住佢又攞樽罐裝汽水咁大嘅黃色液體出嚟，講笑話今日準備做例行身體檢查，要屙尿驗媖，但佢手上樽黃色液體就唔係尿，而係生化環保柴油。
佢話下禮拜一環境事務委員會討論生化柴油，於是尋日約個油商傾偈，順便攞樽油返去研究媖。跟住佢仲變身柴油專家，硬銷用生化柴油夠晒環保，但因為價錢略貴，又要左溝右溝，所以一直不為四大油商採用，佢打算建議部分政府車輛帶頭用呢種柴油。
