播放本新聞相關短片

政情：蔡志明太太變通拓商機

玩具大王蔡志明太太李惠莉尋日撇低老公，同囡囡蔡加怡入沙田馬場為愛駒「靚太陽」同「萬能駒」打氣，兩母女戴上型女黑超，企喺貴賓廂做啦啦隊，眼見愛駒衝線在望，興奮到高呼吶喊，可惜兩駒分別喺唔同場次跑第二，但計落獎金有二十幾萬，都算幾和味。

呢排生意難撈，蔡太都話歐美定單減少，公司以往以生產高價玩具為主，眼見市道不景氣，都要改變生意策略，轉攻中價貨色。所以喺呢段艱難時期，真係要識得變通，靠政府打救蛇都死。