係小朋友都愛吃零嘴，而我的兒時最愛是即買即製的格仔餅。小時候，當人人揀雞蛋仔開心Share的時候，我卻會買格仔餅自私食。之所以如此鍾愛，全因煉奶的香滑、沙糖的細碎口感，至於餅底，或者有人會喜歡口感鬆軟像班戟的，但本人就只鍾情鬆脆的。而能夠做到這種口感的店家，以小弟所知，全港可能10隻手指數得晒。

港式格仔餅，有人稱之為夾餅，70年代已經出現喺香港街頭。其做法並不複雜，只要將用雞蛋、沙糖、麵粉及淡奶等材料攪拌而成的蛋漿，倒入有一格格坑紋的圓形餅模內烤製，烤好後塗上牛油、煉奶、沙糖花生醬等，折疊後再一分為二，趁熱食最滋味。

而要做出一底鬆脆香口的夾餅，時間控制、火候和蛋漿調配皆要拿捏準確，據說以前的流動小販會用炭火來烤製，成品脆身得來帶點焦香，風味更佳。現在想吃，實在有點難度，但現時吃到的格仔餅，配搭充滿創意，口味亦變得多元化，例如朱古力味、抹茶味等，伴雪糕的冰火滋味亦夠過癮，不過即使幾咁有創意都好，我還是鍾情在街邊車仔檔買到的傳統口味。

文：Foxy