電影時間！偷閒看了說美國加州發生大地震的那套災難片，同期上映又差不多戲路、都是要一味跑的，還有那續續續集恐龍世界。選擇了前者的原因是友人說前者比較緊湊一點，其言非虛，看着兩個小時的地殼板塊移動、大樓倒塌，我緊張得握着拳頭，沒有鬆過下來。

災難片看得多，覺得蠻慘的是，這種乜乜大地震、世紀大乜乜、乜乜天劫等，往往也會得到「不夠合情合理」、「做戲咁做」等等的觀後感，詳情大概是「有冇咁誇，啱啱逃過一層冧樓又遇上海嘯？」、「撞咗架車窮途末路又會有架飛機出現？有冇咁蹺呀？」、「黐線咩個主角又飛天又遁地都唔會死？」我平時份人很執着，但對這些卻看得很開，可能我十分尊重「聽古唔好駁古」這古老道理吧─看災難片，如果不夠緊湊─剛撞完車沒事又來個地震，地震完沒死再來個海嘯─那看來幹甚麼？不如看文藝片？如果災難片的情節不夠誇、難關次數出現得不夠密的時候，你也會嗌回水吧？沒有不停出現危機，如何值回票價？不能令你緊張的災難片，跟鹹魚有甚麼分別？

等於你打遊戲機，邊行邊打怪獸那種，如果行十條街也沒出現一隻怪獸給你打，你不會大嗌：「好流呀！」所以別在看過災難片或是動作片後，怨說不夠貼近現實，劇情太誇張，放鬆點吧！

如果你那麼追求現實，就別進入戲院這個發夢的地方了。

（明天續）