（以下內容會透露劇情，讀者請留意。）好坦白講，就是因為電影由張家輝自導自演，才進場欣賞欣賞，以前不是有個傳聞指他一生也不拍鬼片的嗎？現在竟然又拍又導？之前不是指電影有藍可兒故事作背景嗎？但看後才發現完全不關藍可兒個案事，只是翻拍幾幕疑似升降機畫面。

但令我失望的並非這些，而是個故事的邏輯問題。一開始令我百思不得其解的是，男主角張家輝生意失敗後回港，父親要他接管神功戲班主之位。但是，為何張表示回大陸做的是出版社生意呢？稍稍做過資料搜集的話，便知道在大陸是不可能私自開出版社的，必須得國家批准，加上書本又要審批又要審查，作為港人是不可能在大陸從事這行「生意」的！加上電影講到男主角十多年前曾向家人表示，發不了達就不回來！要知道這幾十年來，出版業也有一個笑話：「要害死邊個，就叫邊個做出版啦！」難道有香港人相信入大陸做出版會發達？加上不能私自開，套戲一開始就欠缺說服力！

還有一個關鍵情節，想來想去也想不通，就是若果老花旦是張家輝阿媽，年輕花旦則跟張家輝的爸爸生下女兒，但係在一場火災後，年輕花旦已死，之後老花旦又自殺，那兩位又係幾時出世的呢？若故事有空檔期，年輕花旦若大肚，就不可能上台做神功戲啦！而老花旦大肚，也不會死纏要上台啦！條Timeline我排唔掂！難道是異形爆出來的？完全無邏輯可言！不過後來又想想，做乜啫？一套鬼片仲要求邏輯？是我錯了！主要是好不好睇先……只想表達，除了吳家麗，所有人都Overact！表現太誇張了！