大家呢幾日睇波，有冇發覺唔少球星着鴛鴦Boot上陣？例如阿根廷嘅阿古路、科特迪瓦嘅耶耶托尼，加埋意大利嘅「巴神」巴洛迪利，事關佢哋都係PUMA Tricks足球鞋系列嘅星級用家；為咗令呢班巨星喺世界盃上更出風頭，PUMA於是將evoPOWER及evoSPEED兩大主力鞋款，變成左藍右紅嘅出位Tricks Look，咁破格，如果Casual Wear都可以咁襯就好喇！

PUMA Future Suede Lite Tricks $699

PUMA Brasil OG Tricks $699

PUMA意大利主場巴洛迪利球衣
成人版：$699、童裝：$599

性格特立獨行的巴神（右），穿上雙色evoPOWER Tricks上陣，襯到絕！

PUMA巴神Tee $239/件

易襯潮鞋打孖上

PUMA Tricks自面世以嚟，球迷反應都好兩極化，against嗰班就嫌佢走得太前，支持者就偏偏鍾意佢「人做我唔做」嘅大膽作風，不過足球鞋始終屬於功能產品，幾型都好，冇理由着對釘Boot行街啩？PUMA就將呢種撞色美學延伸至Brasil OG Tricks及Future Suede Lite Tricks兩款潮鞋之上，即使你冇巴神等球星嘅超凡腳法，着住佢一樣型得起，前者就走復古路線，鞋面用麖皮製作，而鞋身外側嘅品牌名字底下就加咗Brasil字樣，切合依家嘅大戰氣氛；至於Future Suede Lite Tricks繼承咗Suede嘅簡約設計，穿着感受就比以前嘅Suede更出色，事關鞋面採用較薄身嘅麖皮，內、外側嘅品牌名字及商標又以熨貼代替縫製，偷輕鞋身之餘，中底又用咗具吸震力嘅泡棉，既舒服又易襯衫。

巴神金句無限Key

巴神唔只好波，份人仲好有性格，無論球場內外都經常有出人意料嘅舉動，自然成為球迷嘅聚焦點，PUMA就為呢位性格球星設計咗三款新Tee，分為頭像Look、字樣Look及爆肌Look，最有心思都係品牌將巴神名句「Why always me」變成「Why always PUMA」，大收宣傳效果。同步上架仲有巴神嘅意大利主場波衫，連埋印字及號碼，又有齊大人及童裝，如果兩仔爺都係意大利粉絲，為人父者仲係潮爸嘅話，巴神戰衣又點可以錯過。

查詢：2377 1775（尖沙咀海港城港威商場2樓PUMA Store）