北角親民價意菜館

意大利餐廳多的是，但用料十足、製作認真、味道正宗的卻不多。全木裝修的意大利小館Cafe Italiano，在今個春天推出了12款做法傳統，以及經過改良的意菜，配合大廚Yan師傅的手藝，質素不比酒店遜色，但講到最吸引人的，一定是收費夠親民。

自家製龍蝦餛飩配香濃龍蝦汁 $108
選用00麵粉加上海鮮和慕絲做餡的自家製雲吞，配以魚湯、雜菜、燒過的龍蝦頭、拔蘭地和白酒等熬煮4小時的龍蝦汁，鮮味濃郁。

頂級軟水牛芝士配極品牛心番茄及精挑初榨欖油 $88
純水牛奶做的Burrata軟水牛芝士，切開有流心的效果，加上巨型牛心茄和初榨欖油，口感更滑。

燒牛仔肉薄片涼拌秘製吞拿魚汁 $88
意大利經典菜式，荷蘭白牛仔肉以82℃煮7小時，醬汁則用蛋黃醬、雞湯和秘製吞拿魚汁混合而成，大廚心機之作。

意大利香甜葡萄酒浸軟滑鴨肝 $108
法國鴨肝用60℃低溫浸熟，再以Moscato Wine浸兩天才奉客，入口即溶，帶甜甜酒味。

Barolo紅酒燴牛膝 $168
荷蘭白幼牛牛膝用上貴價Barolo紅酒、雞湯和雜菜熬煮3小時，入口軟腍Juicy，兼帶蔬菜甜味和酒香。

餐廳裝潢以木作設計主題，甚有置身森林小屋的感覺。

選用靚食材

曾於新世界萬麗酒店、餐廳Stonegrill工作的Yan師傅，曾在餐廳Le Mieux Bistro當名廚Ricky Cheung的左右手，功夫紮實，擅長炮製歐陸菜。而今次推出的12款新意菜中，既有紅酒燴牛膝、燴意大利飯和豬肉腸等傳統菜式，也有經過改良之選。Yan又選用矜貴食材，如法國鴨肝、荷蘭白牛仔肉、Burrata軟水牛芝士、黑松露等，他說：「北角是舊區，做的都是街坊生意，若然用靚料加上相宜定價，便可以吸引到更多人來幫襯。」