Golden Bear棒球褸去蒲靠佢

再同你細訴Varsity Jacket有幾紅我怕你唔嫌我煩，自己都講到口水乾，但紅並不代表可以胡亂入手，正所謂寧缺莫濫，要入手還是應該選擇一些有質素保證的品牌。好似於1922年在美國加州成立的Golden Bear就是Varsity Jacket的經典，80多年來一直堅持在美國加州製作，高品質絨料褸身配上皮革手袖就是其經典設計。今回登場就有黑×白、紅×黑及藍×黑等配色，但個人推介全黑配後幅白字款式，穩陣得嚟又有睇頭，一句「EVIL LOVES TO PARTY」加上收身剪裁，農曆新年去蒲靠晒佢！