山野長炮Kodak PIXPRO AZ552

秋高氣爽，宜行山遠足。講到郊遊攝影首選的器材，當然係有「天涯機」之稱的高倍變焦DC。全新Kodak PIXPRO AZ522有52倍Zoom，係目前最強，無論影近景抑或遠景都掂，再配埋電子觀景器取景，驟眼睇仲以為係單反，不過就輕身得多，售價亦較經濟。

$2,780

試相
24mm
使用24mm廣角，基本上可覆蓋整個環境，再Zoom到1,248mm遠攝端，連水上的舢舨都睇得到，52倍變焦夠實用。

試相
1,248mm

特設有電子觀景器，旁邊有按鍵供選用屏幕或觀景器取景。

擁有現時最強的52倍變焦能力，鏡頭印有焦距刻度，畀你知道Zoom到幾遠。

機頂支援立體聲收音咪，拍高清片時有效將音質還原。

採用SD記憶卡和1,100mAh的專用鋰電池，電量大約可拍攝240張相片。

機身提供18種濾鏡特效，當中日式風格、意式風格和法式風格效果甚有異地色彩。

為免使用長焦距時造成震動，機身亦備有光學防震功能，確保畫面穩定清晰。

52倍Zoom遠近盡攝

去得行山當然想輕輕鬆鬆，唔想帶太多隨行物品，而AZ522的機身淨重僅530g，唔算太笨重。此機最大特色是備有一支52倍Zoom鏡頭，能夠Zoom到1,248mm遠攝端，變焦能力是同類機種中最強，而且鏡頭上還印有焦距刻度，Zoom到幾遠都一清二楚；加上鏡頭擁有24mm廣角，就算拍攝大合照都冇問題。雖然鏡頭Zoom得夠遠係優點，但同時存在着手震的隱憂，故此Kodak用上了全新的光學防震功能，就算使用長焦距一樣可有穩定的畫面，低光環境拍攝時仍一樣有效，確保影像清晰。

植入電子觀景器

AZ522加建了電子觀景器，令整體的感覺更加Pro，即使於戶外遇上猛烈陽光，睇唔清楚屏幕，亦可以靠觀景器取景或睇相。AZ522不但鏡頭焦段夠實用，內部規格都不錯，採用1,679萬像素感光元件，提供ISO 80~3,200的感光度，畫質和色彩還原度皆不俗，拍攝綠樹林蔭輕而易舉。此外，若然想拍出獨具風格的作品，AZ522亦有18種濾鏡特效，當中的日式風格、意式風格、法式風格都很特別，助你拍攝出異地風味的色彩。