Fujitsu ScanSnap SV600輕鬆掃描厚書

掃描器可以話係Office必備文儀用品，不過一般掃描器只可以掃描紙張文件，遇着厚身文件同釘裝書籍就好難搞！Fujitsu剛推出嘅掃描器ScanSnap SV600，外形似枱燈，查實內置高景深鏡頭、高指向性LED光源及線性CCD圖像感應器，只要將最大A3尺寸嘅文件放於鏡頭下，即可掃描成影像或文件檔。最大賣點是掃描過程中機身不用夾實文件，掃描釘裝書籍、報紙、雜誌等厚身文件零舍方便；再配合「書籍影像校正」功能，可以同步糾正書籍因打開時而扭曲了的影像，以後將書籍電子化就易好多。