MK高質甜品店入秋賞櫻

秋天不是紅葉季節嗎？何解10月才賞櫻？最近發現滿街汽車零件店的白布街，既有鑊氣小炒店進駐，又有過江龍韓國元祖奶奶雞落戶，新一員是以打造酒店級甜品作號召的新派甜品店「HeSheEat」，一道櫻花草莓奶凍，凸顯味道及口感對比，如此高質甜點在MK實屬罕見。

櫻花草莓奶凍 $52
不同層次的粉紅色，搶眼吸引，除了加入櫻花精華的士多啤梨櫻花奶凍外，還有自家製士多啤梨醬、蛋白脆脆和曲奇餅碎，軟滑得來又富口感。

以黑白灰配粉紅色打造一室簡約設計，又以木牆配玫瑰金吊燈，帶來視覺上的對比。

樓梯牆身掛有不同的甜品照片，先讓大家大飽眼福。

HeSheEat

特濃黑朱古力慕絲 $69
72%比利時朱古力分別做成Cream、慕絲、脆脆等不同質感，加上糖炒榛子及曲奇餅碎特別有咬口，記得用匙羹由頂至底舀來吃。

柚子香橙凍 $52
酸香四溢的美味甜品，柚子啫喱加入橙皮，配上新鮮藍莓醬和橙肉，啖啖都是果香。

檸檬忌廉班戟卷 $55
以清新帶酸的自家製檸檬醬作餡，為平衡酸度，特別在班戟皮上淋上拖肥醬，加上蜜糖脆脆，酸甜味非常突出。

牛油果乳酪沙冰 $35
阿偉在澳洲工作期間，見識過以牛油果做甜品，因而創作了這款沙冰，酸咪咪啖啖醒神。

焦糖日式芝士蛋糕 $69
像縮了水的芝士蛋糕，其實那是以分子料理方法炮製的芝士泡沫。旁邊的芝士蛋糕則鋪上焦糖，再灑上西班牙紅桑子乾，配搭夠晒特別。

榛子朱古力心太軟 $59
輕輕一鎅，暖暖的榛子朱古力醬緩緩流出，味道不會太膩，伴以清香椰子雪糕，一冷一熱的口感，吃得過癮。

在「HeSheEat」的開放式廚房裏，年輕甜品師在合力炮製款款精美甜品，其中一位是80後總廚阿偉，年僅28歲的他，曾在米芝蓮3星餐廳L'Atelier de Joel Robuchon、意大利餐廳Otto e Mezzo Bombana工作，又曾於澳洲著名的新派法國餐廳MelbourneVue de Monte學習製作分子料理，由於對當地Cafe文化着迷，回港後決定開一間甜品Cafe。現時店子用的都是優質靚料，像法國牛油、日本麵粉、比利時朱古力等，出品賣相極其精緻，問阿偉何以不在中環開店，而選旺角創業，他答道：「高質素甜品店，中環、銅鑼灣多的是，相反旺角卻不多見，所以我希望在這條旺中帶靜的街道，為大家帶來五星級的甜品享受。」

着重口感搭配

先說環境，裝潢由阿偉的堂兄兼其中一位老闆主理，身為室內設計師的他，為將小店打造成一室簡約北歐風，在黑白灰主調中配上粉紅，又以木製品配襯卡通圖案玩味牆身、玫瑰金吊燈、掛牆動物頭像等，感覺舒適寫意。

至於在設計甜品上，講究造型賣相外，阿偉亦着重不同食材的味道和口感的搭配，例如「檸檬忌廉班戟卷」就以自家製檸檬醬的天然酸配以拖肥醬的極甜；微甜的藍莓醬和微酸的柚子則跟橙皮啫喱拼湊出的「柚子香橙凍」。他又將朱古力變成Cream、慕絲、脆脆和雪糕等，一啖吃出不同口感。至於看似平平無奇的「焦糖日式芝士蛋糕」，就用上分子料理的做法將芝士蛋糕變成泡沫狀，入口一刻，你會發覺效果非同凡響。