最近Impossible Project推出了名為Impossible Instant Lab的相片沖印器，能夠將iPhone相片打印成為寶麗來。大家別以為只係求其加個白色框敷衍你，其實Instant Lab真係要用Impossible底片或適用於寶麗來SX-70和600系列的底片印相，絕無取巧！驟眼睇全黑機身的Instant Lab好大舊，其實摺埋足以擺入手袋或背囊，帶出街也冇問題，佢唔單止適用於iPhone 4/4S/5，甚至兼容第四和第五代iPod Touch，對應機種相當廣泛。Instant Labo的印相原理好簡單，首先為iPhone下載《Impossible Project》App，然後依指示揀選相片和裁切，再反轉手機放在Instant Lab上面，利用手機屏幕發光的特點來吸納所需光線，繼然抽出金屬片進行曝光，待訊號燈亮起，再按下按鈕就會彈出即影即有相片。用數碼相印寶麗來，就可以慢慢挑選心水相片才打印，唔會浪費底片，畢竟每張底片要幾十蚊。

$2,790

摺疊後的Instant Lab其實好細部，擺入手袋都不成問題。

可使用Impossible底片或適用於寶麗來SX-70和600系列的底片印相。

風琴式的機身設計，抽出後再打手機放在上面。

Instant Lab之所以能夠印到數碼相，就係靠機身呢個鏡頭去吸納屏幕上的光線。

根據訊號燈的指示，要抽出金屬片進行曝光。

完成所有步驟後，一張新鮮滾熱辣的寶麗來相片應聲而出，等顯影完畢後就有相睇。

查詢：2720 0222