跑山專科

實不相瞞，我唔覺得Salomon嘅跑山鞋靚—至少跟「型」沾不上邊。但係，當你好似我咁，貪個款好睇而買咗其他牌子嘅出品，結果上山跣鑊甘、落山撻餐飽之後，就會死死地氣買番對「專科」Salomon。呢對型號XT Wings 3，屬穩定型嘅鞋款，啱我此等跑姿過度外旋的人士；至於抓地能力都唔錯，起碼唔似得以前嗰對猶如踩雪屐咁跣！售價方面就一千鬆啲，但用盡所有優惠就唔使咁貴。題外話，對鞋之所以咁污槽，全因小弟認為跑鞋泥迹斑斑先至好睇囉！我唔洗鞋o架！