精讀人類文明萬物

每逛銅鑼灣巨擘書店，真係每次都會跌低幾舊水畀佢哋。雖然明明知道自己睇書速度慢過買書速度幾十倍，但最近仍買咗譯自日本書嘅《改變世界の萬物事典》，書度細，書面設計好懷舊，在書架上一見到，就忍唔住拎上手翻幾翻，短短廿秒就決定買！內容描述每件對人類文明有影響嘅物件着墨並唔多，但內容非常豐富，由國旗、交通工具、農業、建築、音樂至神話樣樣有，最抵讚係配上非常多圖畫去講解每件物件，搭車時揭幾頁都過癮，希望今次可以喺兩個月內睇得完呢本只得三百幾頁嘅書啦！