Choro-Q 濕原火車仔

本人對一般Choro-Q車仔興趣不大，不過每見到Choro-Q出嘅電車呀、火車呀，都會忍唔住買番架先安樂。最新入手嘅係「JR北海道Original釧路濕原Norokko號機車DE101660」，個名真係好長，但呢架Choro-Q火車係限定貨色，售價大概100蚊港紙，搭完火車買嚟做紀念都啱數。查實呢架JR火車係兩用，夏天係觀光火車睇釧路濕原，冬天就變身成為「鄂霍次克流冰號」睇流冰，流冰列車就啱啱過咗時候，而睇濕原嘅夏季觀光列車就會由4月27日開始運作到10月底，想買就記住Check吓「運轉時間表」，事關唔係日日都有車！