決定入手Air Jordan XII

近期Jordan波鞋真係前所未有咁大熱，熾熱程度直頭勁過廿年前，而且家吓會買會着Jordan的唔單止得「波神」信徒，一些從未踏足籃球場甚至連Michael Jordan、Michael Jackson同Magic Johnson都未分得清的90後潮男潮女都着埋一份。而自從十幾廿年前買過一對Reebok（唔係Shaq O'Neal亦唔係Shawn Kemp款式）後就再無買籃球鞋嘅我（當然亦無再點打過波啦），近日亦準備入手人生第二對籃球鞋，經連日來日以繼夜Research，本人最終敲定入手第12代黑×白 Playoff配色，希望可以早日入手着上此鞋再次征戰球場！

Pasu Reporter

一分鐘美目提案

雖然說女人不可以懶，但有時朝早瞓過龍，趕頭趕命出門口，想化個靚妝真的不容易。通常戴副粗框眼鏡，整日頭耷耷了事。幸好，最近試戴了博士倫的LACELLE 1-DAY眼妝CON，不用一分鐘戴上，雙眼即時炯炯有神，最啱趕時間出門又化唔切眼妝的朋友。這些眼妝CON同以前的大眼仔不同，在於似足喱士的Pattern，能與眼睛虹膜自然糅合，即時塑造又圓又大的水汪汪眼睛。小記最Like佢弧度夠闊，360度眼仔睩睩都不易移位，由早到晚依然感覺舒適清爽，個人偏好迷紫和傲藍色，特別但不突兀，當然戴嗰陣最好減淡番個眉色襯番成個Look會好睇好多！

Moe Reporter

情迷型佬

雖然自問是K-Pop迷，但對於港台日成熟型男，我同一般中女一樣，都好迷。同事A早前話某個男士美容品牌可以安排訪問台灣肌肉型男張孝全，我的瞳孔立即放大，周遭少女中女即興奮大叫。我一早叮囑A要多影幾張相以供眾人欣賞。到訪問當日，A已第一時間作現場報道，佢話：「真人呢……好高大，不過好似脹咗好多喎。」有相有真相，睇過……唔……的確「大件」咗。但偏心啲講句，雖然「佬味」重咗但反而睇落夠穩重。但話時話，男人同女人一樣，都要保養同Keep Fit，要做型男索女就無得懶，試問天生麗質得天獨厚世上有幾人？起碼我知我唔係。

p.s 想睇張孝全的訪問，請密切留意刊登日期啦！

Amy Editor

型格斗篷

我這個戶外活動迷，經常與友人遠足、露營，全靠一把多用途瑞士Victorinox十字軍刀，解決大大小小的問題。2013春夏季，品牌再度與英國設計師Christopher Raeburn合作，推出PROTECT別注系列，其中Camo Festival Poncho斗篷絕對是心水推介，以再造面料縫製，Raeburn以原創的經典十字盾標誌，創作出充滿現代風格的迷彩圖案。外層腰間位置的束繩以矽膠繩扣固定，打造收身的效果。風帽亦有配備束繩，可調節長度。不過最喜歡是斗篷可摺合起來收納在後頸位置的暗袋中，方便攜帶。

Candy Reporter