豪氣遊蕉坑 Infiniti FX37

假日同小朋友去玩，除咗行街、睇戲或者去主題公園，仲可以去邊？位於西貢蕉坑特別地區嘅漁農自然護理署獅子會自然教育中心，就係一個充滿樂趣、又有嘢學嘅郊遊好地方，中心內唔只有一系列介紹地球科學知識嘅展館，仲有多個戶外特色展區及自然教育徑，如果揸Infiniti FX37前往，更輕鬆舒適。BOSE音響，瞇埋眼仲以為置身音樂廳咁歎。FX37唔只寬敞、舒適、高性能，亦顧及到實用性，後排可以向前放平，同尾箱合組為平整地台，將車尾載物空間擴充至1,305L，就連摺枱、單車都放得落。另一方面，原廠已經將Lane Departure Warning及Forward Collision Warning列為標準配置，進一步提升行車時的安全。

獅子會自然教育中心佔地約16公頃，設有農業、漁業、郊野、昆蟲、貝殼等五個展館，以及多個戶外特色展區，係一個老少咸宜嘅郊遊勝地。中心內嘅地質公園遊客中心，展示咗一系列介紹地球科學知識嘅圖解、岩石及礦物標本，以及簡單介紹岩石形成與生物進化過程，一次過認識到香港嘅地質、地貌、特殊景觀及保育嘅重要性。揸車前往自然教育中心好簡單，入口就喺西貢公路北港足球場對面，非常易搵，而且教育中心設有停車場，更加方便駕駛一族。

大馬力上斜冇難度

今次作伴嘅FX37，唔只車身大、設備夠豪，性能仲非常強勁，3.7L V6導入VVEL系統，最大馬力及扭力分別去到320hp/7,000rpm及36.7kgm/5,200rpm，就算車重唔嘢小，去到1,940kg，0-100km/h都只係6.8秒，滿載之下喺新清水灣道上斜，毋須好大腳油，已經可以爆住上，動力輸出非常澎湃，而且又有ATTESA E-TS四驅系統，輪胎打滑或車身偏離軌迹時，系統會即時將動力平均分配到前、後軸，時刻保持行車穩定性。

打造流動音樂廳

車廂裝潢就以豪華行先，4,865mm×1,925mm嘅車身長、闊度，仲有2,885mm軸距，打造出大車廂之餘，配合柔軟嘅真皮厚身座椅、9.3GB Music Box，以及連同11個喇叭嘅BOSE音響，瞇埋眼仲以為置身音樂廳咁歎。FX37唔只寬敞、舒適、高性能，亦顧及到實用性，後排可以向前放平，同尾箱合組為平整地台，將車尾載物空間擴充至1,305L，就連摺枱、單車都放得落。另一方面，原廠已經將Lane Departure Warning及Forward Collision Warning列為標準配置，進一步提升行車時的安全。

SPEC

車型：五門五座位SUV

引擎：V6

容積：3,696c.c.

最大馬力：320hp/7,000rpm

最大扭力：36.7kgm/5,200rpm

驅動：前置引擎、四輪驅動

傳動：七前速加減自動波

懸掛：（前）雙搖臂 （後）多連桿

制動：（前/後）通風碟

車身體積：4,865×1,925×1,680mm（長×闊×高）

查詢：2756 9123（Infiniti HK）