手機當PSP打《PPSSPP Official》

Android有多款遊戲機的模擬器，超任、世嘉五代甚至PlayStation都有，不過都不及《PPSSPP Official》，因為此App模擬PSP，跟手機同是手提裝置，所以十分配合。可是程式仍處起步階段，兼容方面比較不足，然而可在手機上玩PSP遊戲，確係唔少人的夢想。

系統：Android

下載費用：免費

執相全能《Snapseed》

在iOS平台上享負盛名的執相App《Snapseed》，已經登陸Android。這款曾獲App Store 2011年金牌程式的App，功能之齊，可說是集各家之大成。除了可以改變亮度、飽和度等基本貨仔之外，更可增加移軸鏡效果，各式濾鏡效果亦有，相片經佢搞一搞，平平無奇都變得猶如大師作品。

系統：iOS、Android

下載費用：免費

歎茶玩遊戲儲分《黑白淡奶》

為乜茶餐廳會貼住黑白淡奶優質保證標誌？原來黑白淡奶出咗手機App，畀你儲分換獎品，只要去黑白淡奶優質保證標誌嘅特許茶餐廳Scan入面嘅QR Code，又或玩「搜羅黑白茶記卡」遊戲，收集不同嘅黑白茶記卡，就可得分數，儲夠指定分數就可以換黑白淡奶精品喇！

系統：iOS、Android

下載費用：免費

影片當歌聽《PVSTAR+ （YouTube音樂再生アプリ）》

YouTube不時搵到好多罕有的日文歌或中文舊歌，但大家想用手機聽就唔係咁方便，關芒仲會熄埋程式！用呢個App就可以將YouTube播歌咁播，整埋Playlist都仲得。不過YouTube數據流量大，唔係無限Plan真係唔好亂試呀！

系統：Android

下載費用：免費

健康要緊《香港空氣污染》

香港空氣質素一日比一日差，此《香港空氣污染》App就可以睇現時空氣污染指數，仲仔細到分晒全港十九區添！氣管唔好、有哮喘又或成日咳的話，真係要睇實空氣污染指數好啲。

系統：Android

下載費用：免費

錄低夢話《Sleep Talk Recorder》

大把人瞓覺試過發開口夢，但各位又知不知道自己講咗咩呢？這個《Sleep Talk Recorder》就可以幫到你，這個App會趁你睡着時，一感應到你發出聲音便會錄下，等你可以聽番，仲可以分享出去！就連人家的夢話，也可以在Toplist聽番，頗有趣。

系統：iOS、Android

下載費用：iOS $8、Android 免費