潮人潮聽 Sol Republic×Subcrew耳機

自問夠潮的你，如果100分為滿分，頂盡都只能夠拎到90分；攞唔到滿分全因欠缺一款見得人嘅耳機。近日耳機品牌Sol Republic跟潮着品牌Subcrew來個Crossover，合作推出Sol Republic×Subcrew頭帶式耳機，並會在Subcrew專門店有售，緊貼潮流的你又點可以跟甩。

馬路花紋設計

既然同得潮流品牌合作，這款耳機的焦點就當然落在賣相方面。Sol Republic×Subcrew耳機的頭帶就以馬路為設計概念，充滿街頭味道。頭帶特別採用堅韌的FlexTech物料，好處係可以任意扭曲，並有自動回彈能力，簡單來說就是非常襟用。

咦！係咪覺得聽落似曾相識？因為今次Crossover的耳機是採用Tracks系列，特點是可以分拆使用，耳罩、頭帶及耳機線全部可以替換，仲有各種不同的款式任選，畀大家自由配搭，想一個禮拜日日唔同款，簡直就係Easy Job。

聲音引擎　低音厚

耳機最緊要當然係音質，屬Tracks系列的Sol Republic×Subcrew耳機，就分為Tracks、Tracks HD及Tracks Ultra三款級別。屬入門級的Tracks內置了V8聲音引擎，特點是低音夠厚；假如大家對音質有更高的要求，可選擇支援V10聲音引擎的Tracks HD，又或者配備V12聲音引擎的Tracks Ultra，高中低音準確自然唔失真！小記試聽後，覺得耳機的音場定位準確，而且重低音衝擊力強大，層次亦相當清晰，最適合聽Pop。此外，用家能夠自由選擇內置ClearTalk高清咪的耳機線，還備有三個控制按鍵來操作音量、點選曲目或接聽和掛斷電話，明顯係針對智能手機的用家。

買耳機　送圖案頸巾

講完音質，就要講講耳機的舒適度，Sol Republic×Subcrew耳機用上了SonicSoft喇叭軟墊，舒適貼耳，而且隔音能力超高，幾乎阻絕外來的環境聲音，更沒有漏音的情況出現。Sol Republic x Subcrew耳機特別版現正接受預訂，更送印有馬路圖案的頸巾，頸巾唔單止可以同耳機襯成一套，更有個袋可以裝得下一隻耳機！趕得及在12月31日前訂購，更可平$100，送禮最啱。假如大家想聽聽音質再作考慮，不妨到位於尖沙咀UNITY LCX的Subcrew專門店，內設耳機專櫃供大家試聽。

查詢：2955 1000