搞鬼宣傳「相機」

雖然依家好多品牌都改用email方式發放Press Release，但仍然有一些會在 Press Release包裝及設計上花上唔少心思，予人驚喜。好似上星期收到Chanel發出的Mademoiselle Prive新珠寶腕錶Press Kit，盒形設計，一打開竟內藏一部望遠鏡形的物體。望入機內原來是一部迷你幻燈片機，拉動側邊的小把手會顯示Mademoiselle Prive系列的各種錶面圖案，仲要有埋3D效果，非常搞鬼！呢部機即時勾起我的童年回憶，事關曾經細個擁有過呢類迷你幻燈片機玩具，當然呢部Chanel版就型仔好多倍，而我亦忍唔住周不時拎部機出嚟睇完再睇！

Sanna Senior Reporter

搶先要靚

朋友知我做潮流組，成日問我購物資訊，雖然11月尾，已問定有咩聖誕節Gift Set推介，Ok，經我挑選過，平貴都有。注重護膚，可以諗諗雪肌蘭聖誕限定鯊烯修護套裝，鯊烯精華有助活化細胞，美白淡紋，今次套裝有齊潔膚泡、精華素、保濕面霜、爽膚水、膠原蛋白保濕面膜，仲連埋手提袋一個，不過要買產品滿500蚊再加890蚊換購。至於喜歡掃化妝品嘅，我推介Benefit嘅化妝品Gift Set ，揀咗其中三Sets畀大家過吓目，入面有王牌產品Bene Tint胭脂、The POREfessional遮毛孔霜以及They're Real! 睫毛液等，單係Packing就夠晒靚，唔使再浪費花紙包裝，幾環保！

Amy Editor

潮Tee show off！

做記者最開心莫過於可以與不同的潮人及設計師見面，除了訪問過少爺占、周柏豪等本地Fashion Icons，更有機會跟英國著名Knitwear設計師Markus Lupfer做訪問談談他的創作歷程，本身以為大設計師都會Cool Cool地，但佢喺訪問期間不停搞爛Gag，令我在整個過程中都捧腹大笑！訪問中除了搶先預覽S/S 13最新系列外，更獲贈「Once Bitten Twice Shy」潮Tee一件，翌日立即換上配搭新造型出動，同事都覺得我成個人好似多咗個光環咁呀，為表感謝，以後一定會Follow這位可愛設計師的最新動向！

Alex Reporter

「儲」帽

小記自問不是潮界人士，但一直以來都很愛看潮人們如何用帽子配搭，玩得出神入化，（特別是同事C和K都是帽子達人），彷彿一戴上帽子就能讓造型更完美，大大加分！適逢小記開始厭倦短髮造型，冬天戴帽剛好可以幫我過渡待頭髮生長的尷尬期，最近入手的賊仔帽更是新寵，配搭復古造型一絕，而一直很愛的蝴蝶結草帽就只好等到春天時再度亮相了。

Yilam Reporter