野外特攝Lowepro Rover Pro AW系列

近來天氣清爽，最適合露營同遠足，唔少影友甚至會帶齊攝影「架生」上路。咁專為野外活動而設的Lowepro Rover Pro AW系列背囊就啱你喇，一個袋就可以帶齊露營和攝影所需的裝備。Rover Pro AW系列有35L和45L兩款容量，袋身內櫳用上鋁框架支撐，用料輕盈且硬淨，再配合透氣度高的網面背板及肩帶，讓雙肩和背部可以保持乾爽舒適，加上腰帶夠硬，令重量可以平均分散至腰部，減輕雙肩的負擔。至於存放相機的間隔容量頗大，一機三鏡啱啱好，最特別是相機間隔可以由背囊的前方整個抽出來獨立使用！

兼顧遠足及攝影

就咁睇Rover Pro AW系列，只不過係行山背囊加個內膽咁簡單，袋側還設有專用位置供放置三腳架，上下索帶能夠牢固地綁緊腳架，而前方仲可以掛上兩支登山杖，更設有水袋專用間隔，又附有雨擋保證背囊滴水不入，而雨擋的銀色表面更有散熱用途呢！

同場加映：Lowepro Lens Exchange Case 100 AW

去得荒山野嶺影相，就預咗冇咩平坦地方畀你慢慢換鏡頭，那不妨帶埋Lowepro Lens Exchange Case 100 AW，它能存放一支鏡頭，不過其間隔設計獨特，有額外空間供你暫存一支鏡頭，換鏡頭時就不怕兩支鏡頭四圍碌！

查詢：2116 1471