藝術胸間

有頭髮誰想做金剛？有陳冠希咁多囡囡，誰想買吹氣Mary？不過若果Mary進化到像真度極高的人形娃娃，或者擺個鎮宅，偶爾抱抱都幾好。最近這些娃娃在東京銀座舉辦過III級展覽，個個1:1冇着衫，樣靚過茵媺，身材爆過苟姑娘，睇到班毒男眼球都跌出來……想當初製作公司只為出品商用展示公仔，豈知因太專注，最後變成極似真人的少女，過程奇幻過奇幻世紀。娃娃們還有齊個人資料，包括三圍數字，買她猶如買老婆，難怪數萬港幣身價仍大有市場。

Dick Reporter

合金米奇打到嚟

同一件事，100個人可能有100種想法，難怪近年二次創作咁鬼流行！但點都估唔到日本仔都玩埋一份，講緊是Bandai將於明年3月推出嘅超合金合體King Robot Mickey & Friends。佢唔止將可愛嘅米奇、美妮、唐老鴨等一班朋友仔機械人化，仲可以合體，加埋有成22cm高，有型得嚟帶點搞笑，無論男女見到都會勾起童年回憶。

Boris Reporter

集資……買雜誌？

強積金即將實施「半自由行」，雖然大家對呢個蝕多過賺嘅退休保障計劃，一直不抱任何期望，不過既然有得揀，自然會引起大家討論。不少旅遊組同事最近亦密謀轉會，回報屬其次，旨在搵間收費相宜嘅代理機構才是正經事，而為了作出明智抉擇，全組人更集資買了一本《選擇》月刊參考，仲勁過夾份買六合彩呢！

Ying Reporter

長腿反擊戰

講起韓國的女子組合，除了歌精舞勁，焦點還落在一雙長腿上，正是「一寸長一寸強」嘛！而被韓國組合大舉入侵的日本，最近終於醒悟，一手捧紅上戶彩的經理人公司Oscar Promotion，決定以彼之道還彼之身，組成全新8人女子組合Model Girls，明Sell長腿，從6,000位模特兒中選出來的成員，平均腿長有84cm，出道細碟《Rock Star》是甚有K-pop風味的跳舞歌曲，期待她們為J-pop帶來新衝擊。

Chiu Reporter