動物運動會

Seine Reporter：喺倫敦，一眾健兒鬥得如火如荼爭金牌，而動物界亦唔輸蝕，落場競賽一番，挑戰人類極限。你睇，兩棲、哺乳、爬蟲類齊施展渾身解數，功架更勝人類o架！

妙筆生花

TonyEditor：人總有手痕嘅時候，尤其是上班、開會、返學呢啲極端悶嘅場合，手痕症就最嚴重！所以呢，啲教科書呀、開會嘅議程呀，全部都畫滿公仔囉！如果嫌畫2D公仔冇咩新意的話，不妨參考吓筆者嘅拙作啦！又3D又多媒體，掂唔掂呀？

地點：香港

Boris Reporter：香港推行垃圾分類好多年，諗起最初硬推「藍廢紙、黃鋁罐、啡膠樽」，小記為好好記住，個腦不知死咗多少細胞。前陣子小記到澳門出差，發現對面岸澳門人就聰明得多，將回收桶設計成相關形象，令人一睇就明，好過要人死記硬背啦！

地點：澳門

Joshua Reporter：冇天理呀！幾歲人仔竟然杖打阿媽，仲要一邊打一邊笑，小心出街畀雷劈呀！但係點解阿媽笑到咔咔聲？莫非刺激過度神經失常？其實照片係攝於韓國MBC影城，行刑工具乃係道具，阿媽一片苦心為咗令兩個女明白古代點樣行刑，不惜犧牲Pat Pat身教！母愛真偉大。

地點：韓國

Konnie Reporter：蝴蝶終日與花為伴，唔知係咪採得花蜜多，不知不覺連自己也愛上花。有幾愛？大家睇吓呢隻常見於台南的雄性藍點紫斑蝶，輕輕擺動蝶身，屁股便會開花，就知道有幾愛啦！

地點：台南

Chiu Reporter：檳城設有一紅毛猩猩飼養基地，當中最受訪客歡迎的，是一對猩猩嬰兒，除了細細隻夠晒可愛之餘，其中一隻亦甚有明星風範，你睇佢有專人服侍換尿片之餘，更識雙手墊頭Chok住擺甫士呢！

地點：檳城