Hisense K316HK系列色彩優化細膩提升

Hisense最近推出了新3D電視機K316HK系列，引進了新一代晶彩影像處理晶片，能分析視訊的色彩結構，將色彩變化層次盡現，然後與原視訊色彩進行對比，保證演繹出既準確又細膩的色彩。再配合120Hz不閃式3D屏幕，以及可將對比度提升至500,000:1的Edge LED背燈技術，就連女子組合Mi55前成員Jumbo睇過都大讚色彩細緻分明，用來煲3D藍光碟一流。

現時3D TV界分了主動式快門及被動式偏光兩大陣營，前者主打1,080p細膩畫質，後者強調睇3D片時不會閃爍。Hisense兩類產品都有生產，早前面世的XT39系列屬被動式，適合一家大細睇，反觀屬主動式的K316HK系列就是為發燒級影音迷而設，用上新一代晶彩影像處理晶片，能令色彩變化更見細膩，加上其高對比度，就算隔着3D眼鏡煲碟，光暗位仍夠清晰分明。

分析畫面　層次細膩

用3D TV煲碟睇戲時要戴着3D眼鏡，畫面已較偏暗，如果連色彩變化都不夠豐富細膩的話，煲碟興致即時大減。故此K316HK系列引進新一代晶彩影像處理晶片，當接收到視訊時，會將畫面分拆為多個細區域，從而分析其色彩結構，透過模擬優化技術，特別針對紅、綠、藍三原色，將色彩變化層次進一步細膩化，完成後再與原視訊色彩進行對比，保證演繹出既準確又細膩的色彩。配合多維度背光技術，能因應畫面的亮度變化進行分析，分析亮度高低對色彩變化的影響，從而自動獨立調節紅、綠、藍的亮度，確保無論顯示亮麗或昏暗畫面，色彩同樣準確，趕絕偏色，令人物膚色自然，不再面青青。

趕絕閃爍　暗位清晰

主動式3D TV能用盡1,080p畫質，清晰度及細膩感固然較被動式強，但要靠3D眼鏡輪流開關左右快門從而營造立體感，如果快門與屏幕掃描頻率不一致的話，就容易產生閃爍。針對此問題，K316HK系列就引進120Hz不閃式3D屏幕，配合3DSOC晶片，有效解決主動式3D TV的閃爍、抖動及重影問題，就算播放高速移動的3D動態畫面，影像同樣流暢自然；加上採用Edge LED背燈技術，將對比度提升至500,000:1，就算隔着3D眼鏡煲碟，畫面都不會偏暗，暗位深黑厚實之餘，亦能表現出豐富的層次感，確保暗位不會黑埋一舊舊。

3D畫面測試

試播一段3D電腦動畫片段，海底背景及游魚間的3D層次感相當細膩分明，而且色彩變化細緻，不像一些入門機般會見到一層又一層的色層變化。

SPEC

型號：LTDN39K316HK3D

尺寸：39吋

解像度：1,920×1,080

對比度：500,000:1

HDMI：3組

體積：768×495×38mm

重量：11.2kg

查詢：2481 1175