近期《LINE》通訊程式搞作多多，除早前的《LINE Card》外，依家仲推出《LINE中日翻譯通》功能，可即時將繁體或簡體中文跟日文互譯，同日本朋友「傾偈」都容易好多。呢個中日互譯功能使用時都有啲竅門，要首先加入「LINE中日翻譯通」帳戶成好友，仲分為繁體同簡體中文兩個帳戶，大家請按需要選擇，然後邀請翻譯通同日本朋友一齊入聊天室就可用到呢個功能，過程十分簡單，值得一玩。
