陳珈穎 情迷醒目仔

做人最緊要醒目！有時候一點小聰明能令自己事半功倍，正如醒目的史納莎Cookie，就憑天生聰穎的特性，即使身患皮膚病，都能成功在寵物店內突圍而出，成為兒童節目主持人陳珈穎（Kerry）的愛寵。

身為家中獨女的Kerry，一直想親手揀選一隻狗狗作伴，直至長大後終於如願以償：「經常聽見別人稱史納莎為聰明狗，於是對牠們產生了興趣。當日跟媽媽到寵物店，不少狗狗都已找到主人，惟獨患上皮膚病、爛PatPat的史納莎乏人問津，於是我便抱住牠說：『如果你想我帶你返屋企，就去錫錫媽媽啦！』怎料牠真的飛撲去錫媽媽！見到佢咁醒，媽媽都投晒降了。」

於是只得4月個大的Cookie便成為Kerry家中一分子，皮膚問題亦很快痊愈，並將其聰明特性展露無遺，1歲之前已學懂Sit、Hand Hand、Give Me Five等指令：「我最鍾意牠識得應人，問牠：『你去唔去街呀？』牠會豎起耳仔、連吠兩吓；但提起沖涼，牠就會耷耳仔、低鳴兩聲，然後撐直對手仔。」醒目如此，難怪盡得Kerry歡心。

大哥風範 愛護阿妹

Kerry飼養狗隻多年，已有兩隻狗先後離世，所以自養Cookie開始，特別注重健康：「例如在未完成防疫針注射之前，我要狠下決心，不讓Cookie上街，連家中的花園都不可。」有Kerry悉心照顧，Cookie可謂快高長大。

一年多前Kerry再收養貴婦狗女Pizza（阿妹），Cookie升呢做哥哥，處處表現哥哥風範：「有時阿妹會撲落牠身上打牠，但Cookie絕不會反擊，若阿妹跳上牠的梳化床，Cookie會慷慨讓座，更經常把鮮奶留給阿妹飲呢！」家中有如此醒目又懂事的狗狗，無怪乎Kerry感到安心又開心。

Cookie小檔案

品種：史納莎

性別：男

年齡：5歲半

原產地：德國

性格：聰明、為食、愛親近人