HP TopShot LaserJet Pro M275 立體掃描 一按退地

玩開網上拍賣的朋友經常要將產品圖片Upload上網，不過器材、攝影技術都屬「有限公司」，所以張Product Shot都好難影得靚。HP近日就推出TopShot LaserJet Pro M275就應該幫到你，除了雷射、雲端打印等功能外，最特別是加入了一個創新的吊臂式鏡頭組件，可立刻掃描立體物件兼Print出來，全程唔使30秒，效果仲拍得住用相機影！

連拍6張 即時分析

M275能夠掃描立體物件，全因備有一個特別設計的鏡頭組件，不但採用了光學鏡片，而且更內置800萬像素CMOS感光元件鏡頭以及閃光燈。用家只要將物件放於機身的掃描平台之上，就會為物件拍下三幅備有閃光燈及沒有閃光燈的相片，再自動分析物件的大小、顏色、陰影，難怪掃描效果咁逼真！不過掃描平台位置有限，因此比較適合掃描手飾、零件等小物。最實用係隨機仲跟多隻《HP掃描軟件》，電腦會幫你將物件自動退地，連用Photoshop後製都慳番。

查詢：800 938 833