路中拾遺：去咗當食咗

很多渴望去旅行，心癮起的朋友都愛在社交網站或文章裏拍下某國家特色食物，把它們鯨吞下肚，將充滿當地風味的特色美食當成美沙酮，藉以慰解自己對踏足那個國家的渴望與嚮往。

他們總愛在照片下寫：「無得去× ×，惟有食咗當去咗。」

不能去日本，惟有吃壽司吃刺身，食咗當去咗；不能去曼谷，惟有吃泰菜，食咗當去咗；沒空去台北，惟有吃雞排吃牛肉麵吃葱油餅，食咗當去咗─世上很多人都採取這種新派精神勝利法，食咗當去咗，然而同時，世上還是有另一批人反其道而行，去咗，當食咗。

這種人在感情裏比較常見，譬如說那男生明明只是上過某女生家裏幫忙整電腦或者做點甚麼像觀音兵之類的事，甚麼都沒有發生，分分鐘連茶都沒喝過一杯便功成身退，事後卻向身邊友人大聲吹噓，說自己已經跟那女的搭上，食咗未？哈，呢啲嘢唔好問啦，冇……真係冇哩……

這，就是去咗當食咗。

不要以為只有男人才會用這一招。擅長晒命霸地盤嚇退競爭對手的女生其實近年比男生還更要精於此道。

明明沒做過甚麼卻在社交網站上刻意在男生家裏打卡，或者明明只是請男生上去坐坐，幫忙修理一點甚麼，卻四出向其他女生說男生已經上過她家喝過咖啡……

食咗當去咗，至少真的食過，去咗當食咗，當事人很多時候卻根本沒食過甚麼，也沒真的去過那些值得到此一遊的勝地，便已經惹來一身羶。