Allegro M310 WP 抵玩WP
智能手機近年都由iPhone及Android二分天下，揀機似乎別無他選，不過自從Nokia與Windows Phone陣營連線，推出了Lumia 710、800兩部型仔新機後，再次得到用家撐場。最近就連出開電腦的台灣大廠Acer亦加入WP行列，推出品牌首部WP Allegro M310，3.6吋芒夠的骰，配合1GHz處理器、500萬像素鏡頭等實用功能，機價只是$2,798，平絕市面的WP，趁2012年換新機就最好不過！
Windows Phone推出接近一年，雖然獲HTC、LG、Nokia等大廠力撐，不過普及程度僅屬一般。還好自從Windows Phone 7.5系統面世後，坊間都大讚愈來愈好用，加上有傳Windows Phone 8將於下月舉行的CES 2012發布，應該是繼WP7後另一次重大更新，看來WP復興指日可待。
弧形小巧好揸手
Smartphone近年潮流興「巨無霸」，Android陣營就有5.3吋的Samsung GALAXY Note，WP都有4.7吋的HTC Titan，可惜部部機身大如Tablet，要用盡手掌先拎得實，便攜性不足！新機M310就主打輕巧，其3.6吋芒屬現時屏幕最細小的WP，睇片、上網雖不及大芒機咁爽，不過勝在機身小巧，男生單手持機時，都可輕易用手指公掂到屏幕上角及下角，操作方便；加上機背、邊角等機身多個位置都用上弧形設計，手感相當舒服。
預載杧果夠易用
此機在軟件方面也落足料，新機已升級至最新的Windows Phone 7.5（代號Mango）系統，除了全面支援繁體中文介面，亦加入不少小功能，包括可以從主頁的Live Tiles（動態磚）得悉訊息的更新、當作隨身Router的「網際網路連線共用」，加上原有的Xbox LIVE、People Hub以及Office程式，比其他智能手機都來得User-Friendly。唯一美中不足是暫時只得手寫和注音中文輸入法，雖則手寫認字率甚高，不過有埋速成、倉頡就更實用！
1GHz處理器操作順暢
Mango最大更新當然是支援多工處理，只要長按機身的返回鍵，就會顯示運行中的程式。小記同時開啟IE9、遊戲等多個程式，發覺M310轉換、開啟Task的速度都非常快，幾乎沒有延遲的感覺，相信是有賴新機採用了1GHz處理器及512MB RAM，機能、反應都拍得住一眾高階WP機。此外，一如其他WP機，M310都用上公版「磚頭」介面，不過廠商為新機加入獨家的「快速設定」及「媒體控制」Hub，前者可直接設定藍芽、Wi-Fi，後者則可透過DLNA播放、分享其他裝置的多媒體檔案，例如影片和相片，相當實用。
SPEC
制 式：GSM四頻、WCDMA
作業系統：Windows Phone 7.5
處理器：1GHz
記憶體：內置8GB
屏 幕：3.6吋（解像度480×800）
鏡 頭：500萬像素自動對焦、可拍攝720p影片
對外連接：HSDPA 14.4Mbps、Wi-Fi n、藍芽2.1、mini-USB
通話時間：9小時（2G）/ 6小時（3G）
待機時間：380小時（2G）/ 400小時（3G）
體 積：115.8×59×12.99mm
重 量：125g
$2,798
新版Live Tiles可以顯示訊息更新，唔使開Hub都知道朋友有乜Update。
聯絡人整合不同的社交程式，方便查看及管理。
內置Acer獨家的快速設定Hub，唔使下下入Menu咁麻煩。
引入支援DLNA的媒體控制功能，想Share影片到大電視睇都冇問題。
Xbox LIVE會同步顯示自訂角色的成就以及接收Xbox朋友的訊息。
要擺片、擺歌都要透過專用的ZUNE軟件，唔夠Android方便。
長按返回鍵就會顯示Multi-Tasking介面，切換順暢，如果有埋Task Killer就更方便。
雖然只有500萬像素鏡頭，不過拍攝功能都幾齊全，仲有少量特效畀你玩！
機身備有3.6吋屏幕，尺寸與iPhone 4S差不多。
雖然採用塑膠背殼，不過手感都好實淨。
喇叭輸出頗強，低音效果尤其突出。
設有三個輕觸式背光功能鍵，反應靈敏。
機側的實體快門鍵支援半按對焦，不過半按反應只屬一般。
500萬像素鏡頭對焦速度快，可惜未有內建補光燈。
需要拆殼、拆電才換到SIM卡，而且不支援外置記憶卡，擺歌、放片靠晒8GB內存。
採用大路的microUSB連接電腦及替手機充電。
YouTube試播HQ短片順暢又清晰，屏幕飛走黑邊仲睇得好舒服！
因為IE9不支援Flash Player，因此網頁部分內容未能顯示。
室內環境下，白平衡準確，而且花朵、樹葉層次分明。