鑊氣大牌檔未見真章

就算幾為食,都不能天天大魚大肉、去高級餐廳吧?大牌檔,本土飲食文化的代表之一,地道親民,菜式多變又夠鑊氣,Blogger Fabrice就不時同三五知己幫襯,大吃最愛的熱氣、香口食物。今次找他到開業不久的「師傅仔旺角大牌檔」,一試其廚藝真章!

網上食評達人Info

綽號:Fabrice Lau

嗜好:食!兼且有「食」無類,甚麼都愛試。

寫Blog年資:約5年

網址:fabricelau.blogspot.com

試食檔案

名稱:師傅仔旺角大牌檔

地址:旺角花園街123號A花園街熟食中心3樓

電話:6898 4004

日期:2011年11月17日

在長沙灣讀書,近年又在該區工作,Fabrice經常會到大牌檔搵食:「好多時都係即興,同幾個朋友去食飯傾偈,大牌檔氣氛輕鬆唔拘謹,食得舒服,又有我最鍾意的香口、熱氣嘢。」試過的有昌記、容記小菜王、增煇、小菜王、東寶、一品紅等,日頭搵食心水是跑馬地的昌記,大吃美味油沙多、魚片雪菜米;而換了晚上,深水埗的容記小菜王就是推介,每次食都必點燒肉,鹹香好下飯。至於Fabrice今次上門挑戰的「師傅仔」,在花園街市政大廈熟食中心開業不久,既有小菜亦有打邊爐,粵菜、川味共冶一爐,面積不算小,一般大牌檔格局。Fabrice點選多款招牌菜,像水煮魚、辣子雞、鍋貼小棠菜、牛尾煲,正中了他愛辣菜、香口食物的要求。

總評:佐酒食物值得試!

以Fabrice愛吃的香口食物來計,像脆皮小棠菜、避風塘茄子等,水準都不錯,邊食邊飲啤酒最好。不過,四川菜式卻不是太正宗,水煮魚、辣子雞等,都像變了港式,有點失望,覺得尚有改善的空間。

Round 1:食物(以10分為滿分)

椒膏炒蜆 $55

分量太少,空殼太多,蜆肉亦不夠肥美,啖落有沙及辣味不夠。

銀川辣子雞 $60

跟正宗的四川辣子雞差得遠,唔夠辣椒之餘,雞件亦太大,加入炸蒜像變了避風塘口味。

水煮鯇魚片 $65

照理水煮魚集麻辣味於一身,這道菜卻只得辣,辣椒香不太濃郁,花椒分量少,墊底芽菜不入味。

脆皮小棠菜 $60

賣相完整,炸得超香脆,卻難得不油膩,餡料有馬蹄質感爽脆。

秘製蜜椒牛尾石鍋 $65

石鍋熱辣上枱有「咋咋」聲響,好吸引,感覺暖笠笠,牛尾煮得鬆化入味,有蜜糖及黑椒的甜甜辣辣,味道獨特。

避風塘茄子 $55

風味十足,茄子炸得乾身,香脆內軟,淨食或送飯都好。

Round 2:環境

正常大牌檔格局,夠晒光猛企理,座位鬆動唔太逼,食客沒有嘈吵喧鬧。

Round 3:服務及定價

上菜速度快,值得讚;侍應反應快,夠醒目,態度亦不錯。定價一如其他大牌檔,取價合理。

4分 椒膏炒蜆 $55

4分 銀川辣子雞 $60

4分 水煮鯇魚片 $65

8分 脆皮小棠菜 $60

7分 秘製蜜椒牛尾石鍋 $65

7分 避風塘茄子 $55

6分 環境

6分 服務及定價