酒店頂樓 悠閒歎三文治
識飲識食的人，大抵都到訪過銅鑼灣的Club@28，酒吧位於皇冠假日酒店頂樓，格調高雅，小記就最愛坐在露天泳池旁邊，淺嘗美酒。若遇上天氣欠佳，則可選坐能遙望跑馬地馬場景色的室內部分。一直認為，酒吧必定要夜晚光顧才夠氣氛，誰知近日店子於11:00am-3:00pm推出「Italian Panini Club」，帶來一系列意式三文治，包括以生菜和意大利煙肉作餡的Pancetta Baguette、黑醋味甚濃的Buffalo Mozzarella Focaccia等，而嗜吃菇菌的小記，就最愛Portobello Ciabatta，用上龍葵菇和芝麻菜，一食充滿濃濃白松露香，正！而每客三文治更會配上意大利脆烤薄餅，以及沙律或熱湯。眼前靚景，加上分量十足的套餐，只需$95，加多$30更可品嘗甜品，大滿足！
查詢：3980 3300
二人用意式三文治拼盤$185
二人同行的話，建議點這款拼盤，每人除了可享用意大利脆烤薄餅、一客沙律或熱湯外，還可在餐牌中選3款口味的意式三文治，抵食！