Eight HDR1 機頂盒聽數碼廣播

iDTV愈來愈普及，機頂盒的銷路難免受影響。為了吸引消費者，Eight就在最新機頂盒HDR1上引進DAB+數碼廣播接收功能，用電視機便能收聽；如對音色有要求的話，亦可透過光纖將音訊傳送至擴音機，以家庭影院環繞聲喇叭欣賞，音色更為細膩自然。此外亦支援LAN線上網，又可將視訊倍線至1,080p，並能夠經USB錄影節目，兼容性之強無出其右。

iDTV能接收數碼電視，但不一定能接駁USB手指錄影節目，更未必能透過LAN線上網。由此可見，機頂盒仍有一定市場空間，就像HDR1，不單有齊以上功能，更支援接收DAB+數碼廣播，欣賞細膩音色，將聽歌享受推上另一層次。

接收DAB+數碼廣播

現時市場上有四個電台提供DAB+數碼廣播服務，數碼廣播的最大優點是音色清晰媲美CD，亦比FM/AM廣播穩定得多，但傳統收音機接收不到DAB+數碼廣播，要另購數碼收音機，既破費之餘接駁又唔方便。HDR1就方便得多，它有兩個接收方法，如大廈天線已支援接收DAB+數碼廣播的話，只須接駁大廈天線就收聽得到；萬一大廈天線未準備好的話，HDR1亦附設了專屬天線，只須放在窗邊開揚位置，一樣能接收到清晰穩定的DAB+數碼廣播。接駁方面，最簡單是透過HDMI將視訊和音訊同時傳送給電視，可以睇數碼電視之餘，亦能收聽數碼廣播，但如嫌電視喇叭音色粗糙，則可經光纖將音訊傳送至擴音機，用家庭影院環繞聲喇叭欣賞，將音色清晰度、包圍感及定位準確性發揮至極限。

支援上網 接駁全面

HDR1支援LAN線接駁上網，那就可收聽網上電台，用家能因應音樂類型，如古典、流行、搖滾等揀歌聽，音色雖不及數碼廣播細膩，但勝在選擇多，同時亦能上網即時查看天氣預測，功能全面。另外只要接駁電腦，就能使用網絡分享功能，分享電腦上的視頻或音頻檔案，例如在電腦上下載了大量RMVB檔案，就能透過HDR1接駁，在大尺寸電視上欣賞，比起用十幾吋電腦芒仔睇震撼得多。

查詢：3428 3449