熱爆任歎清邁菜

香港人勁Like食Buffet，一有新食點會即刻去試，今期流行就有Hotel Icon的The Market，皆因食物、環境俱有水準。餐廳更由即日起至8月20日舉行「清邁美食節」，邀得清邁皇室酒店dusitD2的行政主廚來港，主理超過100款泰北美食，勢令氣氛Hot上加Hot！

清邁菜味道清淡

泰國菜酸酸辣辣，好醒胃，向來粉絲眾多，近日天氣酷熱，更加啱食。同樣是泰國菜，其實可粗略分成不同地區，像泰北、泰中及泰南等，食味各有特色。以餐廳這次的清邁菜為例，烹調方法帶有緬甸色彩，辛辣度低、味道清淡，幾乎個個啱食，還會以新鮮時令食材入饌，蔬菜分量亦多，被當地人視為國內最健康的地方菜。

泰籍大廚 來港獻技

要炮製健康、美味的清邁菜，最好找來地道廚師。餐廳與清邁皇室酒店dusitD2合作，邀得其行政主廚Chalong Sakkapalangkul來港獻技，新增的泰式美食攤位會供應超過100款菜式，包括前菜、沙律、加入Tao Now（特色豆豉醬）調味的咖喱、炒麵以及甜點等，推介包括清邁雞肉咖喱麵（Kao Soi Kai）、辣醬番茄煮免治豬肉（Narm Prik Ong）及特色免治豬肉沙律（Larb Muang）。地道美食，配以舒服環境，就像去了當地度假，勁開心！

日期： 即日起至8月20日

時間： 6:30pm-10:30pm

收費： $448（星期日至四）

$498（星期五、六及公眾假期）

查詢： 3400 1308

*另加一服務費