Case Collection兩折開倉宜入手

依家好多朋友出街，個袋都帶備三幾款數碼產品，唔想刮花撞損，最緊要妥善保存。由今日起一連4日，Case Collection會於旺角電腦中心地下舉行開倉，提供了大量時款數碼產品包包供大家選購，包括iPad 2套、Notebook袋和多功能背囊，部分更以低至兩折發售，係時候入手！

iPad 2系列

全面保護 Walkpeer iPad 2 Case

雖然iPad 2個原裝Smart Cover又薄又靚，不過淨面蓋設計，保護未夠周全，如果大家也有同感，不妨考慮一下Walkpeer這款iPad 2保護套。佢擁有雙面式設計，並內藏軟棉夾板，為機面及機背作出防撞保護，加上碎花層皮面，賣相可愛又清新。

原價：$299　特價：$180

支架夠撐 GGMM iPad 2 Smart Case

買iPad 2無非貪佢個大屏幕，流動上網時方便又易睇，但長時間拎住都咪話唔。呢款GGMM的iPad 2皮套選用真皮面料，以及內置智能磁力技術，可輕鬆吸附在邊框及摺疊成不同角度，好讓大家將部iPad 2座枱瀏覽，鍾意睇電子書及上網的朋友，不要錯過啦！

原價：$499　特價：$380

鮮色外套Incase iPad Case

還在使用iPad的朋友也不要失望，皆因同場也有Incase iPad Case可給大家選擇。它以軟膠設計，備有多種鮮艷色彩，同時具備防靜電功能，可緊緊保護iPad四邊，可說是美觀與實用性兼備。

原價：$499　特價：$299

電腦袋系列

揹得輕鬆：Belkin 15吋Messenger Bag

對於唔少需外勤的打工仔來說，拎住部1.5kg的Netbook出街已經嫌重，如果是幾近Desktop Replacement的大尺寸Notebook更加辛苦。好在，這款風格簡約的Belkin 15吋Messenger Bag，開倉日會以4折發售，而且採用斜揹式設計，有助於外攜時減輕負擔，四處見客都唔會拎到手抽筋。

原價：$499 特價：$199

重量級組合：Crumpler 15及17吋MacBook Pro Case

近年來，唔單止iPad受到追捧，就連MacBook也成為年輕潮人的入貨目標！來自澳洲的Crumpler則盡顯其陽光與活力的特色，選用色彩搶眼的外殼，並備有防水點功能，旅行時去到海灘或酒店Resort游泳池，一邊歎日光浴，一邊上網就最正。

原價：$499 特價：$99

多層保護：Crumpler Albert Stash

Crumpler另一款名為Albert Stash電腦袋則走防撞路線，整個手提袋均設有軟棉保護層，配合跣水的尼龍面料，落住微微雨時拎出街亦「頂得住」。袋身兩邊也有獨立間隔，放置文具及電線等配件。

原價：$1,590　特價：$668

背包系列

間隔清晰：Skooba Check Through Backpack

除了Notebook外，還有其他文件要帶出街？Skooba這款背包備有前後間隔，後面可擺放15吋Notebook和一些較大的文件，前面則設有上下兩個拉鏈袋，可放置隨身衣物和其他數碼產品。

原價：$980　特價：$480

旅行必備：Tenba Messenger Photo/Laptop Daypack

一看見Tenba這款巨無霸身形的背包，就知道最啱拎去旅行。它內置Notebook和相機袋間隔，後者更可擺放一機兩鏡一燈，足夠外遊拍攝時使用；加上背包備有兩條可伸延的索帶，回程時手信多一點也放得下。

原價：$1,480　特價：$740

靈活組合：Tenba Black Label　Small Photo Satchel

想為新買的M4/3相機搵番個安樂窩，這個全黑色專業味重的Tenba Black Label Small Photo Satchel可能會適合。它使用了抗水尼龍質料，輕巧耐用，配合軍用YKK拉鏈及不銹鋼三角背帶扣環，即使不同角度背負，也可平衡相機袋的重量。另外，加厚了的內層設計，可供用家自由拆除和組合，靈活有彈性。

原價：$1,480　特價：$740

開倉小資料

日期：2011年7月7日至10日

時間：旺角電腦中心地下

查詢：2771 8801