好玩社交Apps樂享八卦

Social Netwoking社交網絡點解會流行？因為大家都八卦，既想知道身邊朋友發生甚麼事，亦想朋友Like吓你的靚相或意見，所以大家都樂此不疲地在「面書」上打卡。雖然今次介紹嘅幾個社交網絡Apps，差不多全數都提供連上「面書」、「推特」、「微博」的平台，但就各有特色，好似《Instagram》就有大量慮鏡任你玩，或者可顯示出身處位置新發現的《Trover》都好有機會跑出！

Trover身邊新發現

採用Location Based服務的App通常都是飲飲食食為主，而新出的《Trover》就提供由相片帶來的新發現。跟同類相片分享App最唔同的地方是，《Trover》會以你目前位置作為中心點，將附近的有趣景點相片，呈現畀大家睇，所以就算同處香港島，於銅鑼灣跟中環所接收到的相片都不會一樣；而且更會顯示埋拍攝時的GPS地圖，可以跟住地圖探路走訪，隨時發掘到意想不到的新地標。

費用：免費

My Top 10分享個人十大

每年年底總會有好多十大選舉，《My Top 10》功能就係畀大家選擇自己心水的十大項目，然後再分享給朋友。雖然目前只是Beta階段，所提供的十大項目選擇只有幾個，但方便在大家輸入名稱後，系統就會自動幫大家搵出相關資訊：如輸入喜愛的電影名稱，系統便會自動搵出電影相片、拍攝年份以及演員等資料，使用上十分方便。

費用：免費

Instagram濾鏡任你玩

筆者身邊已有不少朋友沉迷玩《Instagram》，甚至在iPad的《Flipboard》上訂閱《Instagram》睇靚相，目前全球更有超過375萬位用家，可預期相片庫有幾豐富。《Instagram》最成功之處在於好玩又易玩，一來拍攝時有極多濾鏡畀大家選擇，玩埋Tilt Shift特效都得，而且要連上Facebook、Twitter、Flickr分享相片都好容易，難怪一玩着迷。

費用：免費

SpotWorld─The Global Social Travel Guide交換旅程

若然大家喜歡自助遊的話，《SpotWorld》就幾啱用。各位可以從中搵到世界各地超過50萬個旅遊景點，仲能夠依照世界各地旅行家的行程跟住玩，還可從文字、相片及聲音檔搜集各種資料，比帶住本旅行書更實用，當然大家亦可以跟不同的朋友分享旅行相片同旅途點滴。

費用：免費

With老友有着數

新出的《With》主要是建基於Twitter這個社交平台之上的App，玩法跟《Instagram》有點相近，同樣提供了不少濾鏡特效協助用家拍攝，然後再上傳至Twitter。程式最唔同之處係加入親疏有別這設計，愈緊密的朋友在清單中的排位就愈高，而且網絡上的「友誼」係可以換來着數。雖然暫時未見到有乜着數，但App就話之後會推出唔同着數，又不妨等公布。

費用：免費