過五關斬六將Bonecruncher Soccer
英超、西甲等各地聯賽已進入大直路，無論榜首抑或護級分子都要搶分爭勝，比賽尤其刺激。最正係季尾球星們都上晒力，出盡渾身解數。如果各位球迷都欣賞C朗、美斯等個人技術出眾嘅球員，咁就一定要玩《Bonecruncher Soccer》，新App入面玩家扮演個人技術超晒班嘅球星，敵方球員就好似雪糕筒咁畀你左扭右扭，隨時好波過施丹！
茅躉對手招招狠
雖然玩家技術超班，不過實際上只係一個虛有其表嘅球員。球場入面會有敵方阻截你，仲要茅招盡出，從後攔截、阻人前進、飛剷招招齊；而且呢個球場係冇球例，所以玩家惟有左扭右扭避過佢哋。如果時間捉得準仲可以出埋「施丹轉身」，過到人之餘仲夠晒型仔。遊戲總共有4個難度，敵方球員嘅速度、數量都會因應難度而有所提升，絕對考玩家反應。不過要留意，每關只有5次機會，而且扭完波記得要瞄準標靶射波，如果唔係就會前功盡廢o架喇！
下載：US$0.99（約HK$7.7）
扭完波都要射入埋先算數，射入就會有1,000分，射中標靶仲有額外分數。
玩家可以自創人物，包括換波衫、波Boots、髮型等等。
總共有4個難度，仲有個「Shootout」模式，可以畀大家練吓射波。
用手指左Drag、右Drag就可以控制球員扭波，操作難度唔高。