唔做蠢豬！平食貴價餐

加價潮一浪接一浪，不單止買嘢貴，就連坐車搭船都話要加價！好了吧，樣樣都加偏偏人工就原地踏步，通脹已經夠厲害了，再咁加法，唔通日日都要捱麵包先得？咪再咁Stupid，其實只要識揀，一樣可以繼續餐餐食正菜，唔識？跟我學嘢啦！

誰說平嘢一定無好？對抗通脹同時也可以優待自己，其實只要揀啱時段、品牌或者店舖，一定能發掘到好嘢，等我逐樣話你知！

Bene Italian名牌Young Line意菜

想食到正宗名牌意菜，價錢離不開貴，不過一直走高檔路線的Isola，其所屬集團Gaia便在沙田新城市廣場開了一條Young Line，名為Bene Italian，同樣主打意菜，但價錢卻相宜得多。由於整個集團具備超完善的生產線，所有店舖的貨源都一樣，變相在Bene Italian吃到的用料與高級食店睇齊。店子餐牌由行政總廚Gianni Caprioli設計及擔當QC，口味及配搭大致相同，但會少了黑松露、鵝肝等較矜貴的配料。此外，店子會在舖頭自家鮮製Gnocchi和Strozzapreti兩款麵食，比坊間的更有誠意，加上一室寫意裝潢，平均每人百幾蚊便吃到優質名牌意菜。

查詢：2699 3939

HIPOT夜貓$58打邊爐

人少少又想打邊爐，去一人一鍋的HIPOT就沒此煩惱！但就算去都要識揀店舖，皆因只有佐敦及銅鑼灣分店於晚上9點後推出「消夜壹POT套餐」，只需$58已經有齊任選湯底及雞件、龍蝦丸、翡翠螺、青口等約十多款配料，單叫隨時過百，而且同屬稻香集團，所有材料統一由集團入貨，食物的質素絕不是劣質貨，還有所有特色丸及魚滑都是自家手打，夠晒爽彈。此外，店子每個月都會精選配料及湯底以$10發售，就算套餐唔夠飽，叫多幾碟同朋友Share都係每人畀多幾蚊，可說平通街！

查詢：3153 4328

Hans Valimaki（芬蘭美食先驅）

* 芬蘭最著名廚師之一，愛將法式精緻菜與芬蘭菜特色結合起來，被譽為美食的先驅。

* 認為自己是娛樂家多於廚師，所有菜式的配搭都會古靈精怪又特別。

* 旗下餐廳Chez Dominique獲得米芝蓮二星推介，並被評為世界最佳50餐廳之一。