吳幸美最愛金絲蝦球

I Eat欣賞小菜刀功

「唔好以為女仔只係鍾意食西餐或者日本嘢，其實我最Like廣東菜，尤其係考師傅刀功嘅小菜。好似呢款富貴金絲蝦球，佢外面脆脆嘅炸芋絲切得又幼又長，外層爽脆，但仍保留到裏面蝦球嘅鮮味同彈牙口感，真係一試難忘呢！」

I Work做司儀搞氣氛

「我有時都會擔任司儀同登台唱歌演出，除咗有更多發揮空間同機會之外，我仲發現做司儀可以令自己更加淡定同學識隨機應變；而唱歌則令我更易掌握台下氣氛同節奏，係一個好好嘅磨練同經驗！」

I Love愛犬跟出跟入

「要講最愛，梗係愛犬『細細粒』。每次無論清早或者半夜返到屋企，佢都會第一時間走出嚟歡迎我，而且行到邊佢都會跟到邊，見到佢真係會即時忘記工作嘅勞累，上星期就買咗件兔仔衫畀佢過新年，見佢成日跳跳紮，遠睇真係有啲似巨兔o架！」

《on.cc東方互動》推出全新購物網站《生活購物》，大量賀年及婚禮用品3折起發售。