平民「英」姿
成日去尖沙咀Shopping，有咩新舖梗係第一時間知道，最近呢區就有間正斗樓上舖，專售英式家品，價錢夠晒大眾化，我都忍唔到手買咗套茶具返屋企扮淑女﹗
同店主傾開，先知位於尖沙咀金馬大廈嘅「Vanlos」原來有段古！店主一直對英式家品情有獨鍾，多年前已經响英國開舖，返港後就覺得香港人好奇怪，佢話︰「大家咁辛苦儲錢買樓，當然係想有一個安樂窩，但係眼見香港人一係就唔注重家具擺設，一係啲靚嘅擺設就要賣到貴一貴！」於是店主把心一橫，決定用「平民價」售賣英國風味家品，畀大家更多機會接觸靚嘢！
其實所謂英式風味，都有唔同嘅演繹，例如以英格蘭紅白格仔為靈感嘅英式格仔圖案、啞白色帶Vintage味道嘅優雅風，或者19世紀維多利亞宮廷風格等，好多變化o架！
查詢︰3488 8567
英格蘭格仔廚餐具，包括茶壺、調味瓶、奶壺、糖瓶、a、水壺、盛器等等共14件。$1,480/套
剛開業3個月，樓上舖格局，大家可以慢慢閒逛。
古典天使燭台及肥皂盛器，手工精緻。燭台$198、盛器$168
小女孩首飾盒，勁有英國淑女韻味。$268
依家香港人好鍾意飲紅酒，咁靚酒當然要配番一個手工精巧嘅紅酒盒，更凸顯高貴！（大）$198、（小）$168
維多利亞式紙巾盒，電鍍金色，配埋屋企嘅喱士或英國木家具就最啱Feel！$328
帶Vintage味嘅維多利亞式早餐餐具，包括牛油碟、兩個瓶裝盛器、茶壺、奶瓶及糖瓶。$880/套（共６件）
仿英國古書小盒子，可存放飾物或珍貴書信、相片。（左）$148/本、（右）$268/本
