Jeana70's長身美人

作為藝人最緊要是作多方面嘗試，好似近期開始人氣急升的新八模成員之一的Jeana（何佩瑜），在服飾打扮就作出不同嘗試。她直言以前只愛穿貼身服飾，不過近期試穿大熱具70年代感覺的長裙，發現效果相當不錯，散發點點歐洲氣息，流露一份獨特的氣質！

新八模成員之一Jeana，今年中憑着卡拉OK廣告開始備受注目，其後推出寫真集，加上連串宣傳活動，令她逐漸上位，早前她就為CLOT任模特兒拍攝最新Disney Collection，照片由著名日本攝影師米原康正操刀。

近期Jeana開始參與電影演出，最近她更被王家衛賞識，參演電影《一代宗師》，飾演歌女的角色。擁有42吋長腿高挑身材的Jeana，以往多穿窄身的短褲短裙，不過現在經常要出席不同公開場合和活動，開始嘗試各類型的服飾，更發現今季大熱、充滿70年代懷舊色彩的H&M長裙跟自己很夾，着上身效果非常不俗。

大熱誇張長裙長褲

去年秋冬80年代熱潮當道，今季時裝品牌再回到過去，去到更遠的70年代，將當年大熱的服飾重現眼前。當年的服飾剪裁偏向誇張的長身，好似長至腳眼的Maxi Dress及Maxi Skirt就是最佳例子，花紋圖案款式襯以各類頭飾及外套，腳踏高踭鞋即時散發嬉皮士感覺。另外高腰長褲特別是高腰闊腳褲或喇叭褲亦相當流行，上身襯以簡約的針織衫或恤衫，營造出女強人感覺。

Jeana wants to Share：華欣Resort好寫意

「之前去了泰國旅行，泰銖好平所以好抵玩。我去了華欣一個叫Let's Sea的Resort，嗰度啲度假屋係沿着長形泳池興建，一打開道門就可以跳落去游水，又或者游過去對面間屋都得，而泳池中間就有個吧枱可以喺度食Lunch，Resort位置好接近大海，非常之正。」

I Watch：舒淇角色清晰

「我以前睇戲只會留意劇情，但因為依家開始接拍電影，所以會特別留意每個演員的演戲方式同點樣演繹每個角色。最近睇了《精武風雲》，覺得舒淇做得好好，因為戲入面佢係雙重身份，但佢處理不同身份時好清晰，令角色更加立體。」

I Wear：長身剪裁夠高貴

「我以前好少着長身剪裁嘅服飾，但近排開始着長裙同長褲，好有70年代感覺嘅服飾，估唔到原來幾好睇，同埋出席隆重場合或者Event會好Sharp，着起成個人感覺高貴咗。」

I Read：黎耀祥分享演戲心得

「我本身好鍾意睇黎耀祥做戲同好Buy佢嘅演技，《戲劇浮生》呢本書非常詳細分享佢自己嘅做戲心得，點樣去演繹不同角色，甚至細微到如演繹一個同志角色應該點去做等。近日我經常袋住呢本書，一有時間就拎出嚟睇。」

查詢：2110 9546